انا بكتب دلوقتى وانا متغاااظة جدا
انهاردة نزلت الصبح فى معادى كعادتى اليومية
طلعت ع البحرعشان اخد مواصلة ...وعديت النفق ... وكانت المفاجأة
مافيش ولا عربية فى الشارع …بسم الله الرحمن الرحيم ...هى العربيات اتلغت ولا ايه
ده مافيش غيرى على رصيف البحر بطوله ومعايا اتنين تلاتة بالكتير ...هى الناس كمان اتلغت ولا ايه
مافيش نص دقيقة على حيرتى وبدأيظهر فى الافق عربيات بس مش زى اى عربيات ...الله .... ده موكب
وطبعا اول ما ظهر فى الافق الظابط اللى واقف ع الرصيف بعيد قعد يشاورلى عشان امشى
طبعا ولا كأنى شيافاه ...أمشى مين ياعم دى فرصتى
عدى الموكب...عربيات ايه وموتسيكلات ايه وفى الاخر عربيتين فيهم جنود شكلهم غريب قوى
طبعا مش امن مركزى ..لأ حاجة كدة اللهم احفظنا شبه المارينز وماسكين رشاشات كبيرة مطلعينها لبرة العربية
بصراحة انا اول ماشفت الرشاشات اتخضيت واترعبت من منظرها اصلها مش عادية
حاجة كدة شبه الاربي جى أووو الاف ستاشر أوو اى اسم من الاسامى المجعلصة دى
الموكب عدى فى 10 سوانى وبعدها سألت الراجل اللى كان بيكلم الظابط هو مين ده؟؟
رد عليا بكل بساطة "ده الزفت بتاع فلسطين" ...يقصد سعادة البيه عباس باشا ابو مازن
طبعا انا اتجنيت اول ما عرفت لانى حسيت ان كان ادامى فرصة عظيمة وطارت
اكيد لو كنت اعرف كنت عملت حاجة.... اى حاجة
مممممممممممم
مثلا ارمى نفسى ادام عربيته واول ماتقف اشتمه واطلع اجرى
اووو مثلا
انشن على عربيته واول ماتعدى ادامى أطلعله لسانى
اكيد كنت هتصرف ...اكيد الموكب ده مكانش هيمر ادامى بالساهل
أوووف ....انا لسا متغاظة ...وحاسة بالذنب كمان
عشان ماعرفتش أوجب مع " بتاع فلسطين" ... سامحنى يارب
انهاردة نزلت الصبح فى معادى كعادتى اليومية
طلعت ع البحرعشان اخد مواصلة ...وعديت النفق ... وكانت المفاجأة
مافيش ولا عربية فى الشارع …بسم الله الرحمن الرحيم ...هى العربيات اتلغت ولا ايه
ده مافيش غيرى على رصيف البحر بطوله ومعايا اتنين تلاتة بالكتير ...هى الناس كمان اتلغت ولا ايه
مافيش نص دقيقة على حيرتى وبدأيظهر فى الافق عربيات بس مش زى اى عربيات ...الله .... ده موكب
وطبعا اول ما ظهر فى الافق الظابط اللى واقف ع الرصيف بعيد قعد يشاورلى عشان امشى
طبعا ولا كأنى شيافاه ...أمشى مين ياعم دى فرصتى
عدى الموكب...عربيات ايه وموتسيكلات ايه وفى الاخر عربيتين فيهم جنود شكلهم غريب قوى
طبعا مش امن مركزى ..لأ حاجة كدة اللهم احفظنا شبه المارينز وماسكين رشاشات كبيرة مطلعينها لبرة العربية
بصراحة انا اول ماشفت الرشاشات اتخضيت واترعبت من منظرها اصلها مش عادية
حاجة كدة شبه الاربي جى أووو الاف ستاشر أوو اى اسم من الاسامى المجعلصة دى
الموكب عدى فى 10 سوانى وبعدها سألت الراجل اللى كان بيكلم الظابط هو مين ده؟؟
رد عليا بكل بساطة "ده الزفت بتاع فلسطين" ...يقصد سعادة البيه عباس باشا ابو مازن
طبعا انا اتجنيت اول ما عرفت لانى حسيت ان كان ادامى فرصة عظيمة وطارت
اكيد لو كنت اعرف كنت عملت حاجة.... اى حاجة
مممممممممممم
مثلا ارمى نفسى ادام عربيته واول ماتقف اشتمه واطلع اجرى
اووو مثلا
انشن على عربيته واول ماتعدى ادامى أطلعله لسانى
اكيد كنت هتصرف ...اكيد الموكب ده مكانش هيمر ادامى بالساهل
أوووف ....انا لسا متغاظة ...وحاسة بالذنب كمان
عشان ماعرفتش أوجب مع " بتاع فلسطين" ... سامحنى يارب
15 comments:
بتتكلمي جد ؟؟؟
يبقي عشان كده وانا نازل اركب الصبح .. لقيت واحد بيسأل السواق بتقف علي البحر ؟؟؟
أنامفهمتش طبعا.. يعني إيه بتقف علي البحر ؟؟
هم لغواالوقوف علي البحر دلوقتي ولا إيه؟
وقبلما اشك في قوي اراجل اللي جاي يسأل ..... لقيت السواق بيرد عادي ويقول لأ مش حاقف ....
نعم؟؟؟؟؟؟
كان ناقص شوية واهللهم .... بس قلت يمكن حاجةحصلت اليومين اللي فاتوا منعوا بيها البحر ...
طلعواهم الصح .. وأنا الـ ..... ولا بلاش ..... في بنات هنا .....
سلام
انا محمد سلامه
انا مش من اسكندريه لكن بابا بيشاغل فيها و كان جاي من الشغل النهارده قاعد متنرفز من الموضوع ده عشان الشوارع مقفله
عشان العميل عباس عليه لعنة الله
اها
الحمد لله اني مابركبش من علي البحر
خالص
ولا حتي اي رئيس يجي من حتتنا مع ان كل السفارات ورانا
بس دي بلدنا وكويس انك ماروحتيش في الرجلين
وقلوا عليكي انك من حماس وعايزه تفجري الموكب
ههههههههه
و الله فكره حلوة انك تقفى قدام العربيه بس المشكل انه مش حيقف لانه بيفعص اهله و ناسه فى فلسطين فهل سيكترث بالمصريين .
ربنا يجحمه و عاملين له موكب كمان
صحيح و الله ومن للاقزام و القرود
تحياتى
ابو مفراح
ياااااااه بس الواحد مكنش هيقف ساعتها ويطلعله لسانه مش عارف كنت هاعمل ايه احدفه بالطوب زى اطفال الحجارة
بس ما شاء الله ردرودك قوية جدا ومذلة كمان يعنى لسان وشتيمة وجرى ده كان هيتقطع كده وممكن يسيب الرياسة ويتوب
هههههههههههههههه
أقول بقول الحسن البصري
أبى الله إلا أن يذل من عصاه
حتى لو كانت الرشاشات طالعة من الشباك
ما قلتليش انتي كنت ناوية تعملي إيه
ولا يهم حضرتك ......... أصل همه متاكدين كويس أن لوحد فينا شافهم مش حيتف بس .. لاده اعفن جزمة حتكون خسارة فيهم .. لان الجزمة لينا فوايد عنهم والله ....
عموما ملحوقة ممكن نعمل حاجة اكبر من كدة
لو احنا قدرنا فعلا نخلى كل الناس تحمل فى قلوبها نفس مشاعرنا تجاه أحبابنا وتجاه أعدائنا...... يبقى مش حنضطر نستنى فرصة زى دى تانى ..... لأن أمثالهم مش حيبقلهم وجود
على فكرة (مرام)تبقى صاحبة القصة بتاعة .....http://yalaya3mlak.blogspot.com/2007/03/blog-post_3845.html(أسرة عملاقة) وشكرا للزيارة
هي دي الشقاوة ولا بلاش
لفت نظري رد الضابط
هل لانه له موقف من عباس؟
أم موقف من المواكب عموما؟
و إذا كان الموكب لهنية مثلا فهل سيكون رد فعل الضابط مثل رد فعله هذا
أم أنه يفترض ألا يكون لهنية موكب أصلا؟
علي فكره ليكي سمكه عندي في مدونتي
حتي تأكل السمكه افتح هذا الرابط
صاحي وبيلعب
والسمكه دي لكل الناس اللي علقت هنا
مدونة جميله جدا وبجد اول مره اقرأ موضوع في مدونه واخش عاللي وراه وانا متأكد انه يستحق القراءه
موضوع جيد بصراحه وتفكير منطقي وسليم هتعملي إيه يعني ؟ ياسلام لو كنت طلعتيله لسانك واتضايق وخد في نفسه واختشى على دمه وساب فلسطين في حالها .. كنت هتبقى بطلة شعبيه وييجي اليوم اللي نشوفك في واخده الشعب واقفه قدام قصر عابدين والشعب وراكي وعمالين تطلعوا لسانكوا للأخ اللي ساكن جوه .. وساعتها هنحتسبك شهيدة
مش عارف بصراحه مدونتك بدات إمته بس مبروك عالمدوينين مدونه متزنه ومنفتحه
محمد السيد
قلتلنا بقى طلعوا هما الصح وحضرتك ايه ؟؟
اه صحيح احنا قلنا فى بنات هنا
هههههه
******************************
محمد سلامة
كان الله فى عون والدك
لان القصة دى الفترة اللى فاتت اتكررت اكتر من مرة
تقريبا قصر راس التين حيلى فى عنيهم مرة واحدة
***********************
المواطن المطحون
هما يقدروا يتهمونى تهمة باطلة وظالمة زى دى
قال انا من حماس قال ......
قال.........
دا انا بس بحبهم وبأيدهم وبدعيلهم ولو كنت فى فلسطين كان زمانى وسط صفوفهم
بس والله ده كل اللى بيربطنى بيهم
وجزاك الله خيرا على السمكة
ابو مفراح
عندك حق غالبا لو كنت رميت نفسى قدام العربية ماكانش هيقف وكان هيكمل طيقه عااادى جدا ولا كانه دهس واحدة دلوقتى وخلاها هى والاسفلت واحد
*************************
امام الجيل
لأ من فضلك ما تشككش فى قدراتى
هو تطليع اللسان ده شوية
ده ياما امم تبدل حالها بسبب تطليع اللسان للريس
وياما طغاة وظالمين تابوا ورجعوا لنفس
السبب
بجد تعليقك اضحكنى بشدة
**************************
عصفور المدينة
واستاذنا الفاضل
اللى كنت هعمله
ممممممم بصراحة مش عارفة بس مش متخيلة ان الفرصة تجينى واسيبها تلفت من ايديا
ماخبيش عليك منظر الرشاشات رعبنى ...بجد شكلها مش عادى
ياسر فتحى
تصدق والله فكرة
انا كنت لسا بقول لاستاذنا عصفور المدينة مش عارفة هعمل ايه
بس لاقيتها
اخلع الجزمة واحدفه بيها
طبعا مش فداه دى اغلى منه وانما فدا
شعب فلسطين
********************
عمر محمود
وهذا ما نملكه اخى لسعبنا فى فلسطين
نشر قضيتهم والترويج لها والتفاعل من اجلها
على فكرة انا قريت تدوينة مرام وانفطر قلبى لها
ربنا يجمعكم بها فى فردوسه الاعلى
*************************
وطنى
مع الاسف الشديد لن يكون هذا هو موقف الظابط اذا كان الموكب لهنية لانه لن يكون هناك موكب لهنية من الاساس
هل رايته "هنية" فى الصورة الشهيرة وهو يجلس على الرصيف منتظرا فتح المعبر والسماح له بالدخول وكانه شخص عادى وليس رئيسا للوزراء
ولكن هذه هى سنة الحياة مع كل الانبياء والصالحين والدعاة الى الله
*******************************
اخ جامعة
والله يا فندم المدونة نورت
واهلا بحضرتك فيها دائما
اما بالنسبة للبطلة الشعبية اللى هتحتسبها عند الله شهيدة
فحضرتك خد بس الخطوة وانا وراك على طوول ومعايا كل الشعب ان شاء الله
وانا من باب التواضع متنازلة لحضرتك عن لقب البطلة الشعبية
ههههههههههههههههههه
ياعيني يابنتي
انا حصل معايا الموضوع ده يوم الزيارة المصونة للريس الهمام عشان افتتاح الفور سيزون كنت شايلة لاب صاحبتي علي ظهري ورايحة الكلية اديهولها وقعدت فوق الساعتين حاجنن ... في ايه مال السواقين والمهم ان محدش فهمني في ايه غير بعد ساعتين ... تقريبا ظهري كان حيتكسر
((:
اهم حاجة في الاخر وصلتي في ميعادك ولا زي حالاتي روحتي بيتكم وكان الله بالسر عليم
بس سيبك اهم حاجة " الزفت بتاع فلسطين "
((:
Post a Comment