ما فيش جديد

كنت قاعدة افكر البوست الجاى اكتب ايه ..اكتب ايه

لاقيت ان مافيش جديد

كل حاجة زى ماهى

..

مبارك لسا عايش والاشاعة طلعت فاطشة

..

الظلم شغال على ودنه والقيادات الاخوانية مازالت قابعة فى سجون مصر المأروصة على رأى الضاكتور خالد وده برضه مش جديد

..

الحزب الوطنى لسا بيمثل المسرحية اللى هو بطلها ومتفرجينها وديكورها ونقادها كمان

..

ايران لسا مصرة على موقفها من النووى بتاعها وده مش جديد

..

فتح وحماس لسا متخاصمين وده مش جديد

..

امريكا مترددة تقعد فى العراق ولا تقلل الجنود... وموقف التردد ده بقاله فترة طويلة

..

بعافر مع الدنيا وبتعافر معايا وده برضه مش جديد

..

المياة كل يوم والتانى تقطع... وبقالنا على الحال ده شهور

..

اسماء انتيمتى بقالها كتيييير قوى ماكلمتنيش وده برضه مش جديد

..

عيلتنا كل يوم فيها بيبى جديد (بسم الله ماشاء الله) وده من زماااان

..

نفسى صعبانة عليا قوى ... ودى حالة نفسية مسكانى بقالها فترة

..

اسمى شيماء وده من يوم ماتولدت

..

..

من الاخر مافيش جديييييييد

..

وعلى رأى خالتى الحبيبة الامريكانية لما كانت تسالنى ايه الجديد

فأقولها : No news

فتقولى : No news is agood news