كل سنة وانتوا طيبين وبألف خير
بجد وحشتوووونى جدا وحبيبتى " شقاوة شعب" كمان وحشتنى قوى
يارب يكون رمضان اتقبل منا جميعا واتكتبنا فيه من العتقاء
آآآآآمين
وياللا هيصوا بقى فى العيد وكلوا كحك واتفسحوا وخدوا عيدية كبييييرة
ودى كانت الفرحة الاولى
الفرحة التانية
جاتلى فى يوم 8رمضان اللى كان يوافق 20سبتمبر
اللى هو عيد ميلادى
وتمميت فيه 23 سنة
تقولولى اشيلهم ازااى دول ................اقولكم ماعرفش
تقولولى طب تشيليهم فى ايه اصلا............. اقولكم ماعرفش
تقولولى دول تقااال عليكى ............... اقولكم ربنا المستعان
وبالمناسبة الحلوة دى هوريكم بعض من أغلى ممتلكاتى
اسمعوا التسجيل ده قبل ماتكملوا قراية البوست
واوعى حد يقرا كلمة واحدة زيادة قبل ما يسمعه .......... انا بقول اهو
طبعا كلكم دلوقتى منبهرين بالضحكة وبتقولوا يا ترى دى مين .... يا ترى دى مين
ها ماحدش لسا عرف
طب خلاص ماتزقوش هقول أهو
دى أنا
وانا صغيرة وكان عندى سنة وكام شهر
شفتوا بقى الجمال ..........فى كدة ياربى فى الدنيا حلاوة
خدوا بقى اسمعوا ده كمان
مش معقوووول ....... من يومى عبقرية
فى حاجة كمان هوريهالكم من اغلى ما أمتلك
.jpg)
.jpg)
ودى بقى "منى" .................. عروستى من وانا لسا فى الحضانة
ماتتصوروش قد ايه انا بحب منى ولا اتخيل حياتى من غيرها
وهى فعلا من أغلى ممتلكاتى عليا
وكل سنة وانا وانتوا طيبين
33 comments:
صاحبة السعادة كل عام وأنت سعيدة بالمناسبتين
وانا افتكرت برضه صورة العروسة هو انتي
:)
كل اعم وحضرتك بالف صحةوسلامة وخير
وعيد سعيد
وعقبال مليون سنة تعيشيهم فى سعادة وامان
اللهم امين
تحياتى
ههههههههههه اضحكك الله كما اضحكتنى استاذى عصفور المدينه
كل سنه وانتى طيبه يا شيموووو وعقبال مليون سنه فى طاعة ربنا
كل عام وانتى الى الله اقرب وعلى طاعته اقوى وادوم وعنالنار ابعد ومن الجنة اقرب
كل عام والقران ربيع قلبك
اسال الله العظيم رب العرش العظيم ان يغفر لكى ما مضى ويصلح لكى ما بقى من عمرك
بس ضحكتك رائعه تنفع نغمة موبايل
بس الحمد لله موبايلى اتسرقفى رمضان لما اجيب واحد تانى هبقى اسجلها واعملها نغمه
انتى اول مدونه حاولت ادخلها علشان اهنيها بالعيد بس للاسف كان بيكتبلى
The page cannot be displayed
وحتى الى الان مفتحتش غير بعد محاولات وطبعا معرفتش اتصل بكى علشان الموبايل اتسرق وعليه نمرتك
ههههههههههه
اجمل حاجة في الدنيا ضحكة الطفل والذكريات اللي كنا بنفتكرها
وكل سنة وحضرتك طيبة علي العيد وعلي عيد الميلاد
بس ينفع
)مش معقوووول ....... من يومى عبقرية
مينفعش حضرتك نزكي انفسنا كده من تواضع لله رفعه
علي العموم حضرتك ربنا يتقبل منك
انا بهزر علي فكرة
وكل عام وانت الي الله اقرب
والسلام
انا اسف والله لان الصوت ما اشتغلش عندى بسبب مشاكل فى جهازى
لكن كل عام وانت بخير
وعيدك مبارك
وربنا يسعد ايامك كمان وكمان
كل سنة وانتى طيبة وبألف خير
وعيد سعيد بمناسبة الفرحة الاولى
وبمناسبة الفرحة التانية
العمر كله ليكى يا جميل
وعقبال يارب الميلون سنة
كل سنه و انتى طيبه
يا شوشو و عقبال 33588
سنه
و يكون معاكى منى برضه
ههههههه
كل سنه و انتى طيبه بماسبة عيد ميلادك و بمناسبة العيد
كل سنة وانتي طيبة...وعقبال 100 سنة و100 عيد
:DD
واضح ان الشقاوة في دمك من صغرك
كل سنه و انتي طيبه مرتين
مره علشان العيد
و التانيه عيد ميلادك
البلوج جميل اوي اوي
كل سنه وانتى طيبه عيد سعيد علينا كلنا يارب
اسف علي مسحي للكومنت الاخير بتاعي عشان به غلطات املائيه كتير
الكومنت الجديد
السلام عليكم
كل عام وانتم بخير
هابي فاست فيست
هابي نيو يير
23 سنه اشغال شاقه في الحياه ربنا يعينك
بس علي فكره الصوت بتاعك ممكن يدخل موسوعه جينس في التسجيلات النادره ههههههههههههههههههههههههه
معلش انا بكره العرايس من النوع دا عشان اختي الصغيره قرفاني بها في كل حته بالبيت
بس علي كل حال البوست جامد
عصفور المدينة
استاذنا ..دائما ما تبهرنى بكونك اول المعلقين فجزاك الله عنى خيرا
وعلى فكرة انا ومنى صحيح مش شبه بعض لكن لينا نفس الروح والدم ولو اى حد عرفنى كويس هيقول ان منى بشكلها وكل مافيها ماينفعش تكون عروسة بتاعة حد غيرى
*************************
حرية الفكر والابداع
كل سنة وحضرتك طيب
بس مليون سنة دول كتااار قوى
******************
صانعةالحرية
كل سنة وانتى طيبة حبيبتى
وربنا يعوض عليكى فى الموبايل اللى اتسرق
قولى اللهم اجرنى فى مصيبتى واخلفنى خيرا منها
وان شاء الله عن قريب يجيلك واحد احسن منه مية مرة
اليعقوبى
كل سنة وحضرتك طيب وانا عارفة ان حضرتك بتهزر بس بجد انا فعلا ماكنتش بزكى نفسى لانى ابعد ما اكون عن العبقرية وخاصة فى كل مايخص الارقام والحسابات
**************************
ابو سويلم
ربنا يكرم جهازك ويظبط اصوت بتاعه
وعلى حال شرفنا بزيارتك
**************************
desert cat
وانتى طيبة حبيبتى
***************************
mariam
ربنا يخليكى يا سكر
بس 33588 ده كتير قوييييييييييي
marvel
وحضرتك طيب
واحنا اساس مافيش حد فى عيلتنا كان هادى وهو صغير فدى وراثة
**************************
emy
ربنا يخليكى يا ايمى
ومنورة البلوج
*************************
nefertiti
شكرا حبيبتى
ونورتى المدونة
**************************
المواطن المطحون (عصفور اسكندرية)
هى فعلا كانت 23 سنة اشغال شاقة
وهى الحياة كلها ايه غير اشغال شاقة
اما بالنسبة لموضوع موسوعة جينيس ...تفتكر اروح اقدمها
خد بالك هطلعا فى دماغى خاصة ان التسجيل لسا له باقية
هههههههه
اما بالنسبة لمنى فمعنديش غيرها
لان ماما قامت بالواجب تجاه كل اللعب التانية من زمااااان
وبصراحة احسن برضه
الواحد كبر على الحجات دى
لكن تظل منى حاجة تانية خااالص بالنسبالى
كل عام وأنتم بخير
كل سنة وانتى طيبة
بجد اناكنت مسخسخة من الضحك
لما سمعت التسجيل اللى انتى حطاه
كان عندى واحد يشبهه اوى كله ضحك كده بس مش لقياه
وواحد كمان كان عندى ساعتها 7 سنين بغنى فيه وانا ويايا بعيش زى المليونيرات
ههههههههه
بجد كل سنة وانتى طيبة
وايامك كلها ضحك وفرح يارب
:)
لأ عبقرية فعلا.. و تقبل الله منا و منكم
كل سنة وانتي طيبة
مرتين :))
مبسوط إن أول زيارة عندك تكون تهنئة منى بعيد ميلادك
كل سنة وانتى طيبة
ومتشكر لزيارتك مدونتى المتواضعة
على فكرة لما كتبتيلى إن مرتبط بزمان افتكرت إنى هاقرا عندك حاجات نوفى فاتفاجأت بتسجيل ليكى يجى من عشرين سنة
((:
بس بجد
ضحكة زى العسل
كل سنة وانتى طيبة
كل عام وانتي بخير
وتقبل الله منا ومنك
مدونة جميله اول مرة ازورها
تقبل الله منا ومنك
ازيك يا كميل ؟
كل سنة و انت طيبة
يا ستى شيلى ال 23 دول على فترات اسميهم و انتى حترتاحى :))))))
السلام عليكم
شيمو ياريت تعطينى رايك فى البوست الاخير
وهل ممكن تساعدينا فيه؟؟ وازاى؟؟؟
كل عام و أنتم اللى الله أقرب و على طاعته ادوم
وعن الضحة ..لا تعليق
كل سنه وانتي بألف خير
بالنسبه لموضوع الشيل ده انتي تشيلي اللي محتاجاه والباقي تخليه بينفع وقت زنقه
انا بصاحه مش لاقي حاجه احملها او اسمعها بس كأني سمعت
ربنا يكرمك ويوفقك
كل عام وانتي الى الله اقرب وعلى طاعته ادوم
عام جديد على عملكي شهيد فاغتنميه فانه لا يعود الى يوم القيامة
ههههههههههه
تسجيل جميل جدا
انا سمعت الكلام ومكملتش قراية الا بعد ما سمعته
بس قليل اوى ما بنلاقى طفل دمه خفيف
سبحان الله فعلا بتكبر ما الواحد
انا متذكرش وانا صغير كان دمى خفيف ولا لأ
بس جميل انكم محتفظين بالتسجيلات دى وبالعروسة كمان
هو انتوا من اسكندرية ولا اصلكوا بيمد لمحافظة تانية :))
لا بجد حلو الاحتفاظ بالحاجات دى بتبقى جميلة اوى لما الواحد يسترجعها
كل سنة وحضرتك بخير
وعقبال 320 سنة
كل عام وأنت بألف خير وطيبة وفى أحسن حال
أنا سعيدة جدآ بلقائك فى نادى القضاة بالإسكندرية
عجبنى جدآ حديثك وإلقائك وكلماتك الصادقة
عيد سعيد وعيد ميلاد مبارك
ولا بلاش مبارك هههه خلية عيد ميلاد سعيد يا بلدياتى
كل عام وأنت إلى الله أقرب
أنا بقى لا الصور ظاهرة عندي ولا الصوت واصل كمان .. مشاكل رقابة الإنترنت في السعودية بقى
لكن لأني عبقري من يومي أنا كمان قدرت أفهم البوست كله وهوطاير كده
كل سنة وإنتي طيبة
انتى دمك زى العسل كل سنه وانتى طيبه بالمناسبتين مع انها متأخره شويه بس انشاء الله هكون من زوارك دايما يا ريت تشرفينى بزيارتك لمدونتى المتواضعه احتاج لرأيكم على كتاباتى
وشكرا
كل عام وانتي إلى الله اقرب وعلى طاعاته ادوم
الصراحة انا معنديش حاجة اقولها ولا بحب اعلق كتير
بس زي ما بيقولوا رد الكومنت واجب
الاخت الكريمه شيماء
السلام عليكم ورحمة الله
انا اخوك يحى زكريا من المنصوره
كان لى شرف حضور مؤتمركم الكريم ببلدى الحبيب الاسكندريه
مررت على مدونتك لاسجل اعجابى بكلمتكم وادعوك لمشاهدة مدونتى على مكتوب وبها تغطيه بالصور للمؤتمر
اسف انى لم ارفع فقرتك بالحفل لان الصوره الملتقطه كانت سيئه جدا بفعل الاضاءه
سلامى لك ولكل احبائنا الاسكندرانيه
وتقبلى مودتى
نسيت ان اخبرك انى سمعت التسجيل الجميل جدا ذكريات تجعل القلب ينخلع عند سماعها
الحقيقه الصوت اشبه باصوات اطفال الاعلانات ما شاء الله
في الاول كانت الضحكة جايبه على الساحرة الشريره .. بعد كده بقت أطافيلي .. بس الضحكة دي مش طبيعيه!! مثلا يعني مثلا كنتي بردانه مثلا وعطوكي جرعه زياده من دوا البرد الغريب ده اللي بيخلي الانسان مبسوط ؟؟
بشكل عام الطفولة جميله جدا .. لو الواحد يرجع تاني بس .. قمة انعدام اللاشيء !!
Post a Comment