لسانك حصانك

قديما قالو

"لسانك حصانك .. ان صنته صانك .. وان خنته خانك "
ولقيادة الحصان قيادة مثلى نحتاج الى لجام من خلاله نجعل الحصان ينطلق فى اوقات ويهدئ سرعته فى اوقات اخرى ... ويتوقف تاما فى اوقات ثالثة

واكثر عضو بيتحرك ويبذل جهد ومتبهدل مع بنى الانسان هو اللسان .... وهو اللى على حسه يدخل البنى ادم جنة او نار
اوماااال ... مش الصحابى سأل النبى صلى الله عليه وسلم قاله اومؤاخذون على ما نقول يا رسول الله ؟؟
فرد عليه النبى صلى الله عليه وسلم

"ثكلتك امك يا معاذ وهل يكب الناس على وجوههم فى النار الا حصائد السنتهم ؟ "

المقدمة دى عشان اتكلم عن اهم واسوء ما قد يقع فيه اللسان ... وطبعا هو مالوش ذنب .. ده احنا اللى فايدينا لجامه وبنوجهه زى ماحنا عايزين
الاسوء ده هو "القذف" او بدرجة اقل نقول " اتهام الناس بالفاحشة" او بدرجة اقل نقول "الكلام فى اعراض الناس"

طبعا الجميع دلوقتى اول ماقرا التعريفات حس بالراحة النفسية انه لا يقع ابدا فى هذه الجريمة وانه الحمد لله برئ منها وعمرها ما تيجى عل لسانه

لكن الحقيقة انه وقع .... لانها مش بتتقال مباشرة كدة وبتعريفها الاصلى .. لكن بتتقال فى اطار متجمل ومتزين بحيث الى بيتكلم مايحسش انه وقع فى غلطة كبيرة .. فى شكل حكاية او نقل قصة سمعها ... فى شكل خبر قراه فى جريدة او حكاهوله صاحبه او حكيتهولها صاحبتها

يعنى مثلا
تلاقى بنتين قاعدين مع بعض وتيجى سيرة واحدة فتقوم احداهن متبرعة وقايلة

"ربنا يعافينا يا شيخة دى بيقولوا انها والعياذ بالله بتمشى مشى بطال وبتروح .............د "
او مثلا
حوار بين اتنين على ممثلة مشهورة
"ده بيقولك ان جوزها طلقها عشان اكتشف .................................د"

الموقفين اللى شفناهم دول بنسمعهم فى كل حتة ومن كل الناس على اختلاف افكارهم وثقافتهم ... صح ؟؟
وفى الموقفين اصحابهم ما شافوش بعينهم ولا حتى قالوا انهم شافوا ... دول مجرد ناقلين للكلام .... يعنى الحمد لله براءة ........ مش كدة ؟؟

لأ مش براءة

هقولكم ليه

اولا لانك طالما بتتكلم عن مسلم ايا كان درجة تدينه من عدمه يبقى ماتفتحش بقك الا لما يكون معاك دليل
والدليل الوحيد المقبول انك تكون شفت بعنيك ... يعنى ماحدش يقولى : "ده الجريدة اللى بتقول" " ده الصحفى فلان الفلانى هو اللى كتب" " ده طنط فلانة شافتها بعنيها"

ثانيا لان الكارثة الحقيقة فى الموضوع هى انتقال الكلام من لسان الى لسان بدون تفكير وبدون احكام قبضة اليد على اللجام
وهنا القران اتكلم على النقطة دى بالذات فى وصف رائع للناس اللى ساهمت فى نقل وانتشار اشاعة حادثة الافك بتاعة ام المؤمنين عائشة رضى الله عنها

"إذ تلقونه بألسنتكم وتقولون بافواهكم ماليس لكم به علم وتحسبونه هينا وهو عند الله عظيم "

بنبقى بنتكلم على فلان ولا فلانة واحنا حاسين انه كلام عادى فى اطار الحكايات والرغى ... هو احنا يعنى اتهمناهم بحاجة لا سمح الله .... ده احنا بس بننقل الخبر

اهو هود ه الكلام اللى بنحسبه هينا ..... وهو عند الله عظيم

ثالثا لان هل اللى بتحيكله ده ليه علاقة بالموضوع يعنى هيستفيد حاجة لما يعرف عنهم المعلومات دى

فى جانب اخر للموضوع

ان اللى بينقل الاخبار دى وبيتمتع فى الخوض فيها ومتابعتها .... بيحاول فى اعماق اعماق نفسه يحسس نفسه انه كويس وانه زى الفل ويقعد يهول ويكبر فى الغلطة عشان يحسس نفسه اكتر واكتر بانه الحمد لله صالح طائع ملتزم خيَر فاضل

وفى جانب كمان

لما القران وجه الحديث لحد وجهه للمجتمع المسلم ..... عشان يقول ان الموضوع مش بعيد على حد وان الكل ممكن يقع فى الغلطة وينقل الكلام والاخبار والاحاديث الجانبية من غير تفكير ومن غير مراعاة لما قد يكون "عند الله عظيم

اخيرا .... فالظاهرة دى بتحصل حوالينا كتير ... والكلام بيكون عن مختلف الشخصيات فى المجتمع
وكله غلط مهما كان الشخص اللى بتتكلم عليه فعلا فاسد ....
وكله بيكون فى اطار الحكايات العادية المتكررة والنميمة اللى بيستمتع الناس بيها .......
لكن "إن العبد ليتكلم بالكلمة من سخط الله لا يلقي لها بالا يهوي بها في جهنم " حديث شريف

وبتختلف درجات التفاصيل اللى بننقلها ... لكن حتى اقلها واصغرها برضه مرفوض رفضا تاما ...... لانه ممكن جدا يكون داخل تحت بند "لا يلقى لها بالا" .... يعنى مش شايفها كلمة كبيرة

ودلوقتى علينا اننا ندقق قوى فى كلامنا وحكايتنا ونقلنا للاخبار والاحداث والاشاعات ونحكم ايدينا على اللجام
ونحط ادام عنينا الاية منورة

"اذ تلقونه بألسنتكم وتقولون بافواهكم ماليس لكم به علم وتحسبونه هينا وهو عند الله عظيم "

كل سنة وانتوا واحنا .... طيبيييين

happy feast

full of meat

friends meet

relatives greet

clothes gdeed

money bel3abeet

afrah w zagharit

w tarabatateeeet

كل سنة وانتو جميعا بألف خير
ويارب تكون رحمات ربنا نزلت عليكم فى يوم عرفة
ودعائكم استجاب

وان شاء الله السنة الجاية نكون كلنا على عرفات

ياللا افرحوا وعيدوا وزقططوا وخدوا عيدية وكلوا لحمة ......... بس مش كتيير

العشر الاوائل

"ربنا اغفر لنا ذنوبنا واسرافنا فى أمرنا وثبت أقدامنا وانصرنا على القوم الكافرين"

"ربنا لا تزغ قلوبنا بعد اذ هديتنا وهب لنا من لدنك رحمة انك انت الوهاب"

"رب أوزعنى أن اشكر نعمتك التى انعمت علىَ وعلى والدىَ وأن أعمل صالحا ترضاه وأدخلنى برحمتك فى عبادك الصالحين"

"ربنا افتح بيننا وبين قومنا بالحق وانت خير الفاتحين"

"ربنا هب لنا من ازواجنا وذرياتنا قرة أعين واجعلنا للمتقين اماما"

"ربنا آتنا فى الدنيا حسنة وفى الاخرة حسنة وقنا عذاب النار"

********************

يوم عرفة

قال النبي صلى الله عليه وسلم "صيام يوم عرفه أحتسب على الله أن يكفر السنة التي قبله والسنة التي بعده" رواه مسلم

دعاء يوم عرفة

لا إله إلا الله وحده لا شريك له، له الملك، وله الحمد، وهو على كل شيء قدير