مش معقول اللى بيحصلى
متخرجة بقالى سنة ونصف وكل ماتيجى امتحنات تيرم ولا اخر السنة على الطلبة تبدأ الكوابيس
هو كابوس واحد بيعيد نفسه ومضمونه باحداث مختلفة
خير اللهم اجعله خير
اشوفلكم نفسى داخلة على امتحنات وفاضل عليها اسبوعين واكتشف ان فى مادة علينا وانا ماكنتش اعرف انها داخلة فى منهجنا
اتجن وافضل ادور على حد يشرحهالى والاقى كل المعيدين بدأوا المراجعة ووصلوا لنص المادة ولو دخلت معاهم فى الكورس هيكون فاتنى نصه فمش هفهم حاجة
افضل الف حوالين نفسى وانا مش عارفة اعمل ايه
طب ادور على حد من اصحابى يشرحهالى
طب هنلحق
وفى اغلب الكوابيس دى بتكون المادة دى مادة رياضيات
ومش عارفة ازاى
لان تخصصى فى الكلية مالوش علاقة بالرياضيات خاااالص ... ده كله محصور بين الكيميا والهرمونات والانزيمات والامراض
يعنى مافيش ارقام فى الموضوع خالص
بس تعملوا ايه بقى فى العقد والكلاكيع والفيونكات اللى بتظهر اثارها فى الاحلام
ودلوقتى بقى حد يقولى اعمل ايه عشان اتخلص من هذا الكابوس المزعج للى بيعيد نفسه مع كل موسم امتحنات
عشان تعرفوا بس يا معشر الطلبة اننا معاكم بقلوبنا وعقولنا واحلامنا
36 comments:
خير اللهم اجعله خير
روحى حلى مسائل من سنه تالته ابتدائى من غير ما تغشى
ولى حليتى الكتاب صح
الحلم هيروح
لكن انا متأكده ان فى مسائل هتقف قصادك
وعلى فكره
ابقى حطى قلم جاف وقلم رصاص واستيكه تحت المخده
هو انا كنت اول تعليق ؟؟؟؟
محدش قالى
واضح إنه فيروس
حضرتك زعلانة إنك بتشوفي حلم الإمتحانات ده وأنتي متخرجة من سنة ونصف ؟؟؟
طيب إيه رأيك في اللي بيشوفه و هو متخرج من أكثر من عشرين سنة ؟؟؟؟
و تقريبا نفس الحلم
مادة مش مذاكر فيها ولا حرف أو معرفش عنها حاجة
إيه رأيك نروح لعم الشيخ سيد بتاع الأحلام؟
طيب انت بتشوفي الاحلام دي وانت متخرجة قريب
انا باشتغل بقالي سنيييييييين
وبرضه باشوف النوعية دي من الاحلام
التعليم خرب مخنا وربى فينا هواجس كتيرة
ربنا يهدهم كلهم
نصيحة علشان تتخلصي من الكابوس دة:
بلاش تتقلي في الاكل قبل ماتنامي
يستحسن تنامي خفيفة
تحياتي
نشاطركم النجاحات ونشاطركم الدعوات
نسيت أقول إني باحلم الحلم ده عادي يعني بس باضحك عليه أوي
صدقى انا كمان زيك
دايما بحلم انى متاخرة على الامتحان ومش لاقية حاجة البسها وتبقى فى حاجات تافهة اوى تأخرنى عن الحلم وافضل طول الحلم احاول انى اروح الامتحان والحاجات التافهة تعطلنى واصحى وانا مخضوضة
تقريبا الاحلام دى بتنتج من خوفنا من الفشل فى الحياه عامة
لكن ميمعنش ان اوقات الامتحانات بتزودها
هههههه
بوست دمه خفيف شكرا
التعليم اثر علي قواكي العقليه معلش يا بنتي انا بقي لسه في الجامعه و مش بشوف حاجه
السلام عليكم ورحمة الله وبركاته
ههههههههههههههه
الظاهر انها حاجه عامه
انا كمان بشوف الاحلام دي
ههههههههه
شوفولنا بقي دكتور نفساني
فرنسا هانم
شوفتى بقى طلعتى اهو اول تعليق
وتعليق ضحكنى يا فرنسا يا عسل
بس انا بقول لازم احط منقلة وبرجل تحت المخدة لانى بكره الرياضيات وهى اللى دايما تطلعلى فىالحلم ولازم نرضيها
----------------------------------
وطنى
يا خبر ... هى هتفضل تجيلى لحد 20 سنة ادااااااااااام ؟؟ لأ مش هقدر استحمل اكتر من كدة
وبعدين بقى اخرتى برضه الشيخ سيد اضحوكة الفضائيات
ده انا بتفرج عليه عشان اضحك
ده اذا قعدت اتفرج اصلا
------------------------------
bella
عندك حق والله
غالبا هو ده السر
انا احنا اتكونت عندنا شوية عقد من التعليم وطريقته فى بلدنا فكل واحد يطلع عقدته فى الاحلام
-------------------------------
a.samir
يا فندم انا اخر حد ممكن تنصحه النصيحة دى
لانى مستحيل اكل حاجة قبل مانام على طول .. لازم يفصل ده عن ده على الاقل ساعة ونصف
عصفور المدينة
بتضحك عليه يا استاذنا ؟؟ ده انا بقوم مخضوضة وافضل اطمن نفسى ساعة واقنع فيها انه كان حلم وانك الحمد لله خلصتى وانجحتى واتخرجتى ومافيش مايدعو للقلق
--------------------------
البنت الشلبية
هههههههههههه
حلمك ضحكنى وكمان متخيلاه
متخيلة ان كل حاجة بتحصل حواليك قاصدة تعطلك عم الامتحان وانك فى الحلم هتجننى وتوصلى للمعاد ومش قادرة ... كأنك كدة عامالة تجرى وفى حاجة من ورا بتشدك وتوقف حركتك
الاحلام دى بهدلة والله
-----------------------------
emy
مش انا بس يا ايمى ... ده واضح انه مأثر على الشعب كله
مش شايفةالتعليقات اللى قبلك ؟؟ بيقولوا متخرجين بقالهم سنين ولسا الامتحنات بطاردهم فى الاحلام
ههههههههههههه
---------------------------
خمسة فضفضة
اكتشفت فعلا من تعليقاتكم انها حالة عامة
بس الحل مش فى الدكتور النفسانى الحل ان التعليم ينصلح حاله بحيث مايبقاش الطالب دايما خايف
انا فعلا بشوف مادة الرياضيات بالذات بطاردنى لانى كنت دايما خايفة منها طول سنين الدراسة مع انى فى المجمل كنت شاطرة
بس كنت برضه مغلبة اساتذتى معايا فيها
يا بنتى ماما لسة بتشوف الاحلام دى
وهى دلوقتى دكتورة فى الجامعة
ربنا يعيينك بقة
هقولك زى ما قولت لواحد صاحبنا
روحى بخرى نفسك و استهدى بالله كدة
و ما تشيليش هم ال\لبة و سيبهم هما يذاكروا
انتى ذاكرتى قبل كدة بما فيه الكفاية
دمتى بالف خير
غريبة جدا!
حقا هذه سياسة غريبة.. أعني سياسة عقلك في تكرار الحلم سنويا في موسم الامتحانات..هذا يذكرني بالتليفزيون المصري في تكرار الأفلام نفسها سنويا في المواسم والاعياد.. ربنا يستر عليكي وماتحلميش بالأيدي الناعمة في عيد العمال!
اسمعى كلام خالة فرنسا ..ههههههههههه..بس على فكرة انتى احلامك تدل (هعمل فيها البت المحللة)على انك شخصية اجتماعية وحساسة يعنى بتحبى تشاركى الناس ودى ميزة..انا واحدة صحبتى بحبها بفضل طول ماهيا فى اللجنة بطنى واجعانى لحد ما تطلع وتطمنى ..ولما سالت قالولى عادى ظاهرة صحية..تدل على قدرتك على التفاعل مع ماحولك ..
انا اول مرة اعلق عندك بس علطول بزورك ولاتحرمينا من شقاوتك ..واتمنى انك تطلى على مدونتى المبتدئة..مع تحياتى
ههههههههههههه
ههههههههههههه
ههههههههههههههههه
مفيش تعليق غير كدة
السلام عليكم ورحمة الله وبركاته
اختي الحبيبة شيماء ... كم اشتقا لحضرتك
لا اجد حتى على الماسنجر
دعواتك أخيتي
بورك فيكي
اللهم فك اسر والدي وجميع اخواننا المعتقلين
أختك: سمية - بنت البنا-
ياريت نزور يا جماعه مدونه اخوان ستايل بالاستايل الجديدhttp://ikhwanstyle.blogspot.com/
tamooh
يا خبر طنط دكتورة فى الجامعة وبرضه بتشوف الاحلام دى؟؟
اكيد تضامنا مع الطلبة بتوعها
--------------------------------
nidaal pal
مش كدة برضه ؟؟ انا فعلا ذاركت قبل كدة بما فيه الكفاية
وطلعت عينى والله
---------------------------------
davinci
ههههههههه
لأ اللى اكيد اكيد انى هحلم باعدام ميت فى 7 اكتوبر
--------------------------------
لا للسكوت
منورة يا قمر بتحليلاتك النفسية العميقة... اللى اعتقد انها مظبوطة
والحمد لله اننا عندنا قدرة على التفاعل مع من حولنا ...غير كدة هنبقى اموات
على فكرة انا كمان كانت بطنى بتوجعنى فى لجنة الامتحان
فكنت بخرج كل الطاقة المشحونة اللى جوايا بانى اجى اللجنة وفى بقى مستكية
جربيها
---------------------------
nada
ههههههههههههههههه
ضكتينى على ضحكك
ربنا يسعدك كمان وكمان يا قمر
---------------------------
بنت البنا
انت كمان وحشتينى حبيبتى
معلش ياريت تبعتيلى ايميل فاضى
وربنا يفك اسر والدك واخوان فى القريب العاجل
اللهم امين
--------------------------------
عبد الرحمن مدنى
مبروك الاستايل الجديد... وربنا ينفع بيك وبمدونتك
عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم
hi ya gamiel:
tab3an deh awel mara agy 3andek wel blog beta3ek gamed shakly keda habat hena mn hazehe el la7zah,bosy ya sity 3elag el mawdo3 dah sahl geda2,enty 2eshraby shewayet mayaha mablolah 2abl ama tenamy,o ba3d keda bely shewayah tanya o 2eshrabehom 2abl ama tes7y mn el noom,garabeha o hat7esy bel fara2,hahaha
yalla rabena yewafa2 kol elly 3andom emte7anat ya rab ,bas el math dah aktar mada ana ba7ebaha ezay enty mesh bet7ebaha deh gamiela awy o sahla
salam ya gamiel
السلام عليكم
دى اول مرة اعلق عند سيادكم
بس ان شاء الله مش اخر مرة
بس فى الاول بتكلم كده براحة بس وسيادتكم بس بعد كده هاتلاقى المولوتوف
بالنسبة بقى للموضوع العسل ده
انا لسه متخرجة فى شهر سبعة اللى فات وكان عندى حاجات كده فى شهر 9
بس ولا كأنى دخلت مدارس
ولا حاسة بأى احساسات خالص
وحاسة ان المذاكرة دى لعب عيال
معنى كنت بموت وانا بمتحن
سبحان الله
الحمد لله ان ربنا سترنا يا بنتى
الواحد بردو لازم يفضل يفتكر نعم ربنا عليه
اعتبرى الاحلام دى بتجيلك علشان تبوسى ايدك وش وظهر
وتحمدى ربنا
نشاطركم الاحزان
فعلاً فترة الامتحانات دي فترة كئيبة
يلا حصل خير ان شاء الله
موضوعي الاخير بالمدونة
ايام من امتحاناتي
كتير و انا طالبة كانت تحصلى مواقف تحرق الدم زى دى و كلية عملية كمان تخيلى بأهمجهود و فوس و سهر
و كل دكتور قاعدلك ع الكرسى عمال يامر و يفاجئنا بقرراته
ممكن تسمحيلى بالمساحة ألعلانية دى ؟
طب يا ستى متشكرين :))))))))
-------------------
صاحب ابوابةhttp://elbawaba.blogspot.com/ يدعوكم لحضور حفل أفتتاح دار النشر الخاصة به، حلم شاب تحقق بأمكانيات بسيطة و تجربة تستحق التشجيع فى أنتظاركم يوم الخميس 10 \ 1 \2008 --31شارع محمد محمود مكتبة البلد امام الجامعة الأمريكية
السلام عليكم
بوركتي أختنا الكريمة
هذة أول زيارة لدونتكم الرائعة
بس ورد في السنة أن الرؤيا علي جناح1- طائر فان حدث بها وقعت وان لما واحد يشوف كابوس لا يحدث به أحد
اتفلي عن شمالك ثلاثا واستعيذي بالله من الشيطان
2- ركزي في الامتحان في الحلم وتاني يوم شوفي كتاب رياضة وزكري المسائل ولما تنامي بليل هتلاقي نفسك بتحلي الامتحان وبكده تكوني خلصتي الامتحانات ومش هتجيلك الكوابيس دي تاني
و ألي اللقاء في الترم الثاني
طيب انتي يا أختنا شيماء اهو حلم ولا كابوس حتي ويعدي... طيب الغلابة اللي زيي اللي مش كابوس ده واقع باقي اقل من اسبوع ولسه اكتشافات جديدة في المواد ولا اكتشافات ناسا ... قلبتي عليا المواجع
اقولك ادعيلي الترم ده يعدي علي خير وانا ادعيلك ماتشوفيش الكابوس ده تاني .. اتفقنا؟؟
هى بالفعل الامتحانات كوابيس انا والحمد لله لا توجد عندى امتحانات تيرم
موضوع هايل وتمنياتى بالتوفيق
ممكن استغل المساحه للاعلان عن موضوع غايه ف الاهميه
ادعوكم لزيارة مدونة
السيد شبل ... بلا اسم
www.bela-esm.blogspot.com
للتعرف على اهم مبادره للتقريب بين الاخوان والناصريين وايضاح صوره كامله حول الاشتراكيه الاسلاميه
لكم خالص تحياتى وتمنياتى بالتوفيق
السيد شبل
عندى فكره حلوه حطى فى دماغك لما تحلمى تانى الحلم ده عادى جدا و متدوريش على معيدين ولا تفكرى تزاكريها و نفضى خالص واسقطى فيها
بكده هتتفك عقدتك مع الامتحانات هههههههههههههه
طبعا انا ممنوعه ادخل تانى المدونه
sola
مية مبلولة ؟؟
لا سهلة سهلة
وبعدها أبل شوية مية تانيين ؟؟
مش بطال مش بطال
دى وصفة سهلة
دى وصفة هايلة
تشرفى يا عسل وبيتنا مفتوحلك طول النهار والليل
بيات واكل وشرب وفرجة على التلفزيون كمان
----------------------------
شذى مولوتوف
يايمة اهلا يا تلتميت مرحبا
شغلى يا شذى مولوتوفك وعيشى حياتك
عايزة اقولك انى فعلا كل ما اقوم من الحلم ده افضل احمد ربنا واقول لنفسى شيماء انتى خلصتى .. والله خلصتى ومافيش امتحنات تانى
--------------------------------
الجمعاوى الاصيل
شكلك واقع فى ورة امتحنات
ربنا معاك وان شاء الله تخرج منها على خير
-------------------------------
عاليا حليم
وحشتينى يا لولو
فينك من زمان يا قمر
وطبعا براحتك خالص .. التعليقات كلها تحت امرك
------------------------------
فنان من الاخوان
حضرتك شرفت المدونة يا فندم
بس هو مش بيبقى كابوس بالمعنى يعنى
ولو حتى جه فى شكل موحش شوية فعلا ساعتها بعمل الوصفة اللى حضرتك قلتها
وبعدين حاضرتك عايزنى امسك كتاب رياضيات واحل مسائل تانى ... ده انا مجرد مسكه ممكن يتسبب لى فى انفلونزا الطيور
ونتقابل فعلا فى التيرم التانى
--------------------------------
abd el-fatta7
شكلك بتعانى
عموما خير خير
بيقولك اكتشافات ناسا ف ايام الامتحنات بتجيب الامتياز
ربنا معاك ان شاء الله
--------------------------------
السيد شبل
على فكرة انا كمان بعمل دراسات عليا وعندى بالفعل امتحنات مع الطلبة بس فى التيرم التانى
وربنا يستر بقى ساعتها
-----------------------------
Anonymous
كان نفسى تقولى انتى مين يا عسل
بس وصفتك دى انا مقدرش عليها خااالص
قال انفض قال واسقط
إلا عمرها ماحصلتلى لا فى ثانوى ولا جامعة والحمد لله كنت بانجح نضيف وغالبا بتقديرات
اجى على اخر الزمن وانفض
ما كل الاحلام دى اساس بسبب انى ماكنتش بعرفش انفض فى الامتحنات
وطبعا انتى مش ممنوعة ولا حاجة من دخول المدونة
ادخلى وعيشى حياتك فيها
بس ابقى قولى انتى مين عشان اكيد اسمك حلو
للتعرف على اهم مبادره للتقريب بين شباب الاخوان والناصريين وايضاح صوره كامله حول الاشتراكيه الاسلاميه
عدونا واحد
السلام عليكم ورحمه من الله وبركاته
دعواتكم معانا عشان انا في الكابوس دا وفي عز معمعته
بالنسبه لحكايه المواد اللي اخدتيها وليس ها اي علاقه بالتخصص بتاعك
فانا كل ما افتكر ايام سنه اولي وتانيه كليه
كنت باخد كل انواع الرياضيات وفاسيولجي بيولوجي وجيولوجي وكيمياء بكل انواعها وفيزياء بكل انواعها ونحو وصرف وشعر ودين وعلم نفس وفلسفه وانجليزي ورسم وموسيقي والعاب
وبعد كل دا تخصصي كان تاريخ وجغرافيا وانا اصلا ادبي
شوفي حكمه ربنا
كل ما افتكر كابوس الايام دي احمد ربنا واشفق علي اصحابي اللي في اولي وتانيه واحلم بيهم زي ما بتحلموا بينا
دعواتكم معانا
يا نهار ابيض
ايه يا جماعة مش كده
انا لسه متخرج من كام شهر بس
ولسه محلمتش بحاجة
لكن كلكو بتقولو ان الكوابيس دي مبتروحش حتى لو بعد 20 سنة
يا نهار ازرق
طيب ودى حلها ايه
تفتكري الشيخ مصباح ينفع في الموضوع ده؟
انا بقى كل ما يبقى عندى امتحان احلم انى اتاخرت على اللجنه والامتحان خلص وكل سنه وانا طيبه يعنى الماده راحت منى
اصحى امسك الكتاب على طول
ادعولى بقى عشان انا لسه مخلصتش
هههههههههههههههه
ههههههههههههه
هههههههههه
احسن تستاهلي
لما تجيلي في الحلم بتاعك وتعيطي عشان اشرحلك الرياضة مش هاشرحهالك
عشان متتاخريش علي كورسات المعيدين تاني وافضل انبهك واقولك الكورس وصل للنص وانتي ولا كانك هنا
هههههههههه
اسيبك تكملي الحلم بئا
وابقي قوليلي عملتي ايه في النتيجة بتاعة الرياضة
اه قبل ما انسي
صلحوا النت بتاعكم بئا عشان انا كرهته خلاص
عصفور اسكندرية
ربنا معاك ان شاء الله انت واللى فى سنة اولى وتانية
كللللللللل ده بياخدوه ؟؟؟؟؟؟؟
لييييه ؟؟
----------------------------
شاب مصرى مفروس
الشيخ مصباح .... اللى رجله رجل معزة ؟؟
يا سلااااام .. ده سره باتع
روحله وانت مطمن .. وانا وراك على طول
-------------------------
3la asm masr
هههههههه.. ده حلم مزعج قويييييييي
ربنا معاك
-----------------------------
حلم الحرية
بقى كدة .......
طب والله يا مروة لو جتيلى فى الحلم ولا حتى الحقيقة تترجينى اشرحلك bio chemistry والله مانا معبراكى
واخدة بالك معايا ... بيو اللى مجنناكو يا صيدلة انتو طب ده يبقى تخصصى ولعبتى كمان
ختموتى كدة ادامى يا مروة من العياط
وانا مش سألة فيكى
اه على فكرة
النت بتاعنا............ انا كمان كرهته
ولو سمعتى فى الاخبار عن الشهيد (يحيى بتاع النت) اعرفى انى عملتها وريحت نفسى وريحته
Post a Comment