امبارح دكتور ابراهيم الزعفرانى اجرى عملية قسطرة للقلب فى مستشفى الجامعة الجديد
طبعا تحت الحراسة
رحت طبعا جرى ازوره ... صحيح كنت خايفة مايدخلونيش .لكن الامر يستحق المحاولة
بصراحة الامن اللى برة طلعوا زوق جدا وهما دول اللى ينطبق عليهم بشدة فيلم البرئ
دخلونا وقالولنا ماتتأخروش
بجد مهما قلت على احساسى ساعتها مش هقدر اوفى اللحظات دى حقها
الناس اللى سجنوه دول فاكرين انهم اقوياء عشان مقيدين حركته وحريته
مش عارفين انه اقوى منهم بكتييييييييير .. اقوى منهم بايمانه بربه
اقوى بايمانه بفكرته ..ايمان عميق متغلغل فى عقله وقلبه
اقوى بمئات بل الاف الشباب اللى بيحبوه وبيقتنعوا بافكاره
واحنا قاعدين معاه حسام - مدونة أخ جامعة - قاله عايز اتصور معاك يا دكتور
الدكتور رد عليه وقاله وانا كدة فى السرير ؟؟ انا محبش يطلع منظرى ضعيف
فضكنا كلنا وقلناله حضرتك دايما قوى يا دكتور
بجد كنت سعيدة جدا جدا وانا عنده .. وفى نفس الوقت حاسة قد ايه انا صغيووووورة جمب هذا العملاق
ربنا يفك اسرك يا دكتور وتطلع لنا بألف سلامة
اه بالمناسبة
الدكتور إبراهيم الزعفراني أمين عام نقابة الأطباء بالإسكندرية و رئيس لجنة الإغاثة باتحاد الأطباء العرب ورئيس مجلس إدارة مركز ضحايا لحقوق الإنسان وصاحب مدونة من الذاكرة والمنسق العام لمدونة ياللا نفضحهم
وتم اعتقاله على خلفية مظاهرات التضامن مع غزة
..
11 comments:
اللهم اتم شفاءه
الف حمدا لله على سلامته
وربنا يتم شفائه
ويستر على العساكر بتوع الحراسه الغلابه
اللى دخلوكى
وكتبتى عنهم
مش كنتى تخلى الطابق مستور احسن
ولا
الزياره مسموحه ؟
عموما
ندعوا للدكتور الزعفرانى بالشفاء من الله
ربنا يتم شفاء عمو ابراهيم على خير
بلغيه منا السلام لو زرتيه مجددا حبيبتي :)
قولي له همسة قلم ابنة د.أنور شحاتة تسلم عليك كثيرا وتسألك الدعاء :)
دمتِ بكل ود
شفاه الله وعافاه..
الف حمدا لله على سلامة الدكتور وشفاه الله وعافاه
احسن حاجه عملتيها انك عرفتينا مين هو الدكتور الزعفرانى
انا كنت بشوف صورته فى مدونات كتيره ويقولوا تضامنه معاه من غير ما حد يشرح الموضوع
انا دلوقتى فهمت
يمكن متاخر
بس المهم فهمت
ربنا يعافيه ويخرج بالسلامه
وجزيت خيرا
ألف سلامة على عمو
ربنا يتم شفاؤه على خير
كان لسه بابا بيحكلنا عن عمو بعد ما خرج من العسكرية مفيش ساعات واعتقلوه تانى
عمو إبراهيم من هؤلاء الناس الذين أفخر بأنهم مننا
اللهم أتم شفاؤه وبارك له فى صحته
سلميلنا عليه لو روحتى تانى ,
وبلغيه تحية إكبار و‘ وإعتزاز بيه
مننا كلنا
اول مرة ازور المدونة
خسارة انى مستمتعش بيها من زمااااااااان
الف سلامة على الدكتور وربنا يكترلنا من أمثاله
الناس دى هى اللى بتدينا امل ان بكرة احلى
واحلى بيكى
طبعا قريت البوستات القديمة وان كان عليا نفسى اسيب تعليق على كل بوست
تسلم ايدك
عصفور المدينة
اللهم امين
_________________________
فرنسا هانم
هههههههههههه
لا يا فرنسا ماتقلقيش غالبا الزيارة مفتوحة لان ناس كتير جدا زاروه ودخلوهم بس سمحهولهم بوقت قصير
ولو من الاول حبايبنا الحلوين ماكنوش عايزينه يتزار كانوا عرفوا ازاى يمنعوها عنه
________________________________
همسة قلم
للاسف مازرتوش تانى
بس ربنا يكرمك ويجمعنا بيه كلنا قريب
______________________________
abd el-fattah
اللهم امين
____________________
3abdalla 7osni
اللهم امين
___________________________
منى
منورة يا حبيبتى
وانا تحت امرك
__________________________
فزلوكة
هو كدة فعلا ربنا يبارك فيه ويفك اسره
وان شاء الله اوصله سلام كل المدونين
_____________________________
ريحانة
ربنا يجبر بخطرك يارب
وعلقى زى مانتى عايزة فى البوست اللى يريحك
ولو عايزة تاخديه معاكى وانتى ماشية ماعندناش مانع
احنا نحب نكرم ضيوفنا
دعوة لكل المدونين الاحرار
الاخوة والاخوات أصحاب الاقلام الحره
أدعوكم لأعلان حاله حداد عام فى كل المدونات
على المجزرة الحقيرة التى تحدث فى غزة الحرة
حاله حداد على الرجولة والشهامه والنخوة
حاله حداد على الضمير العربي
فلكي الله ياغزة الحرة
دعوة لكل المدونين الاحرار
الاخوة والاخوات أصحاب الاقلام الحره
أدعوكم لأعلان حاله حداد عام فى كل المدونات
على المجزرة الحقيرة التى تحدث فى غزة الحرة
حاله حداد على الرجولة والشهامه والنخوة
حاله حداد على الضمير العربي
فلكي الله ياغزة الحرة
Post a Comment