الحقيقة الواحد مش عارف يبدأ منين ولا يصيغ كلامه ازاى
مش بكتب البوست ده عشان اشرحلكم مظاهر المجزرة التى تحدث فى غزة الان و كم مات فيها من الاطفال والنساء
اكيد كلكم عارفين وشايفين فى الجزيرة والقنوات الاخرى
لكن بكتبه عشان اقول لكل واحد او واحدة كتبوا كلمة سيئة او غلطوا فى حق اخوننا الفلسطينين اللى عبروا المعبر لمصر لما اتفتح
اقولهم بالله عليكم تتبينوا
"يا أيها الذين ءامنوا اذا ضربتم فى سبيل الله فتبينوا .. ولا تقولوا لمن القى اليكم السلام لست مؤمنا"
النساء -اية 94
تبينوا الحق من الباطل... تبينوا اللى داخلين ياخدوا اكل يفكوا بيه ولو جزء يسير من الحصار اللى عليهم
من اللى بيخدعوكم ويقولوا دول هما السبب فى الحصار ..دول هما اللى بيقاتلوا فتح
دول هما اللى بدأوا وضربوا صواريخ على اسرائيل
ياللى اضايقتم قوى من دخول الفلسطينين لمصر بعد فتح المعبر وقلتوا دول ضربوا الامن المصرى
ماسمعناش صوتكم ليه لما من كام يوم اتقتلت بنت مصرية برصاص اسرائيلى فى مخها مباشرة على الحدود
ولا هتعملوا زى ابو الغيط اللى سخن قوى على الفسطينين اللى داخلين ياكلوا وقال هقطع رجل اى واحد يدخل تانى او يؤذى مصرى
ال...... مانطقش وقال هقطع رجل اى اسرائيلى يعتب سينا ويدخلها بدون اذن
مع ان سينا كلها يهود داخلين طالعين وبكل حرية
و ال ...... مانطقش وقال هقطع رقبة اى اسرئيلى يقتل مواطن مصرى مع ان البنت ماتت على ايديهم من يومين
ومع انها كانت واقفة على الاراضى المصرية فى وسط عيلتها .. وفجأة سقطت برصاصة فى دماغها
ومع ان ابن عمها المصرى برضه مات قبلها بشهرين برصاص اسرائيلى وماسمعناش نفس لاى مسؤل فى الحكومة
وانتوا ياللى بتقولوا ماهى حماس هى اللى تضرب عليهم صواريخ ؟؟
هى البنت المصرية كمان ضربت صواريخ ؟؟
هما الاطفال اللى كانوا بيلعبوا فى الشارع من كام يوم فى غزة واستهدفهم صاروخ اسرائيلى مباشر وموجه ..هما كمان كانوا بيضربوا صواريخ ؟؟
هى اسرائيل عمرها وقفت قصفها او اجتياحها وتدميرها سواء فى اوقات نشاط حماس او اوقات هدنتها؟؟
ياكل الناس المتحاملة على حماس وعلى المقاومة وعلى اهل غزة
ياكل الناس اللى بيبرروا لنفسهم تقصيرهم فى حق هذه الفئة عن طريق اظهار عيوبها والنبش فيها
يا كل من يرى اهل غزة محاصرين منذ اكثر من سبع اشهر لانهم اختاروا حماس فى انتخابات حرة نزيهة
يا كل من يرى اهل غزة محاصرين منذ اكثر من سبع اشهر لانهم اختاروا حماس فى انتخابات حرة نزيهة
ياكل من يسمع تصريحات الحكومات العربية وعلى راسها الحكومة المصرية والحكومة الفلسطينية وعلى راسها عباس
ارجوكم
تبينوا
وادعوا
وقاطعوا
وادعموا بالمال وبالغذاء
منافذ الدعم المضمونة كثيرة .. اذهبوا لنقابة الاطباء او اتحاد الاطباء العرب
الوضع اصبح مأساوى ونحن صامتون
والادهى اننا احينا نصبح متحاملون
والادهى اننا احينا نصبح متحاملون
والكارثة عندما نصبح.................. ظالمون
..
15 comments:
ان ما يدور فى غزه هو عباره عن مخطط ما بين السلطه الفلسطنيه بقياده محمود عباس للقضاء على حركه حماس
ولكن دعنا نخرج من هذذه الدائره دائره حماس وفتح وننظر الى الشعب الفلسطينى هل هذا يرضى احد هل قتل الاطفال يرضى حتى الاعداء ان ما تفعله اسرائيل يجد تغطيه شرعيه من ابو مازن الذى لا يريد ان يجلس ويتحاور بدون شروط مع حماس والضحيه هو المواطن الفلسطينى ولن تقوم لهذا الشعب قائمه وهو وحيد طريد من كل دول العالم العربى هل هانت علينا انفسنا هل اصبح الكلام عن فلسطين وما يحدث فيها من قتل ودمار وتشريد لا يحرك ما بداخلنا شىء اتدرون لماذا لان الفلسطنين لا يحترمون وطنيتهم ولا يحترمون دمهم اليس دم المسلم على المسلم حرام حسبى الله ونعم الوكيل فى حماس وفتح
انا معاكى بجد لازم نقاطع بلاش عشان القضيه والعروبه والانتماء وان احنا مسلمين
نقاطع عشان احنا بنى ادميين
المشكلة أصبحت فينا يعنى مش كفاية ان ضعفنا سايب الفرصة للخلق كلهم يلطشوا فينا
لا
كمان عشان نريح ضميرنا بندور على حجج مقنعة تبرر السكوت والتخاذل اللى احنا فيها
من الأول خالص ومن البداية قعدنا نقول هما اللى باعوا ارضهم لليهود
وشيلنا ذنب عشرين مثلا لكام مليون
انا حقيقى كنت فى منتهى الحزن لما سمعت المصريين وهما بيقولوا
هما جايين يعملولنا مجاعة هنا
يعنى احنا عيايشين متهنيين اوى؟
كارثة لما احنا منحسش بيهم
يبقى نلوم ع اليهود ازاى؟
الموضوع كبير اوى
وحلوله اكبر كتييييييير من المقاطعة
انا طبعا معاها حتى لو على سبيل الاعتراض الايجابى
انما المفروض يكون فى حاجة اكبر
مش عارفة حانقابل ربنا ورسوله ازاى؟
مكسوفة اوى
تصريح ابو الغيط ده عملنا قلق فى كل حته
بدل ماندى للناس دى الدواء
لا
هنقطع رجلها
حسبى الله ونعم الوكيل
ونصر الله اهل غزه
وما نصر الله ببعيد
عمرالشرقاوى
معاك حق
بس انت بحسبن على فتح وحماس فى نفس الوقت ؟؟
ماهو الشعب الفلسطينى اللى حضرتك بتقول ان هو اللى بيقتل ما هو الا حماس
وهو مين اللى اشتهد فى الايام اللى فاتت الا اطفال حماس وابنائها وشبابها
وابناء القيادات فى المجلس التشريعى وابناء قيادات حماس السياسية زى حسام محمود الزهار
اذن حماس ليست سلطة تجلس فى القصور وحاطة رجل على رجل وشعبها بيموت زى ما بتعمل فتح
لأ حماس هى الشعب نفسه اللى بيموت كل يوم
صح ولا ايه ؟؟
__________________________________
3ala asm masr
ايوة .. نقاطع عشان اى بنى ادم عنده دم لازم هيقاطع
_____________________________
ريحانة
"كارثة لما احنا منحسش بيهم
يبقى نلوم ع اليهود ازاى؟"
دى جملة فى الجون
______________________________
فرنسا هانم
نقول ايه ..راجل تايه مش عارف هو بيقول ايه
ربنا معاهم ومعانا انا بجد بشكرك انك كتبتى عن البنت دى لان دمى كان محروق عليها
يا رب انتقم من الظالم
أنا متعاطف مع الضحايا بس إنما حماس و فتح لأ إطلاقا لانهم سبب مباشر في تدهور أحوال الشعب الفلسطيني بتعنتهم و خلافاتهم و تطاحنهم فيما بينهم و بالتالي أعطوا الفرصه لاسرائيل انها تعربد أكثر من الاول
تحياتي
محرقة غزة
المحرقة الحقيقية هي شعور كل عربي بالعجز والقهر والذل أمام الهولوكوست الصهيوني ضد أهلنا الفلسطينيين في قطاع غزة, محرقة تسبب فيها النظام الرسمي العربي المهلهل العاجز عن القيام بأي فعل يتخطي بيانات الشجب والادانة, ولم تفلح مشاهد الأطفال القتلي والأمهات الثكلي في التأثير علي المسئولين عن هذا النظام ليقوموا بأي خطوة عملية تتجاوز التصريحات العنترية والطلات الاعلامية
مش فاهمة فعلا ازاي الشعب المصري يفكر بالقسوة وضيق الافق ده في مسألة حصار غزة .. انا افهم ان الحومة تعمل ده بس الشعب .. صعبان علي قوي اني مصرية
تقبلي صداقتي
السلام عليكم
اولا لازم نعرف ان اللي اتكلموا عن دخول اخواننا لرفح بالصورة السلبية مش عموم الناس ده النظام وشوية المبخراتيه في الاعلام
ثانيا بالنسبة لموضوع الصواريخ ف اعجبني رد احد قادة الجهاد علي كلام عباس لما بيقول ان الصواريخ "العبثية" لازم تتوقف ..
خالد البطش قال : سنوقف الصواريخ العبثية لو ارسلتوا لنا صواريخ حقيقة قادرة علي الحاق الاذي بالصهاينة لكن هل المطلوب اننا نقف نتفرج علي اهلنا وهو يقتلوا بدون رد
هل هو ده المطلوب ؟ الصهاينة يضربوا والفلسطينين من حماس او غيرها مايردوش حتي ولو بالسلاح الضعيف اللي عندهم
اه من زمان اصبح في الظالم مظلوما والمظلوم ظالما
كتابة رائعة جدا و صياغة عالية جدا و حاسس ان الكلمات طالعة بتجرى و حاسس بقلبك و هو بيتحرق على اللى بيحصل و دة بالضبط اللى عايزه منك على طول يا شقاوة شعب
appy
انا كمان دى محروق عليها
وناس كتير قوى دمهم اتحرق عليها وصوتهم راح وهما بيطالبو الحكومة بحقها
لكن هنقول
لقد اسمعت لو ناديت حيا
ولكن لا حياة لمن تنادى
_______________________________
micheal
منور المدونة يا مايكل
بس عايزة اقولك ان الشعب اللى انت متعاطف معاه بس ده ما هو الا حماس
وحماس الل انت مش متعاطف معاها دى ماهى الا الشعب اللى بيموت وبيحاصر اقتصاديا
وهى اللى كل يوم ولادها بيموتوا ونساءها
وابناء قيادتها
__________________________
hamada
احنا خلاص فقدنا الامل فى الانظمة الحالية
ورهاننا الحالى على الشعوب
_________________________
حنة
مع الاسف البعض صدق كلام الاعلام الرسمى الحكومى المتخلف
والبعض الاخرين بيبقوا عايزين اى نظرية متخلفة وعقيمة يمسكوا فيها عشان يبقوا اهل منطف وفكر
ومافيش تحكيم للعقل ولا حتى للعين
وصداقاتك غالية قوى عليا
___________________________
abd el-fatta7
ما هوده فعلا الزمن اللى بتقلب فيه الحق باطل والباطل حق
وتلاقى ناس تهلل للباطل
وحقايق تتغير وتتشوه
لكن يقيننا ان نصر الله قريب
ahmad hassan
استاذى الفاضل
والله نورت شقاوة شعب ..ولو كان فى خدمة الضيافة على بلوج سبوت كنا اكيد مش هنتأخر
ربنا يبارك فى حضرتك
ويتقبل منا ومنك
بل ونقول المزيد إننى أعذر أى فلسطينى قد يقوم بأى هجوم ما على حراس الحدود المصريين فى غزة فأنا لا أرى إلا حصارا ظالما يقيمه الصهاينه على غزة من الشرق والشمال والجنوب بينما يطبقه النظام المصرى العميل الفاسد من الغرب كما ان لسكان غزة على الخصوص الكثير من الحق على مصر باعتبار أن هزيمه نظامنا الحنجورى فى عام1967 هى السبب فى سقوط غزة فى براثن الصهيوينه
حسبنا الله ونعم الوكيل
اللهم انا مغلوبون فانتصر
اللهم امين
Post a Comment