بمناسبة فترة امتحنات اخر السنة ....هذه الفترة العظيمة المباركة اللى بينزل عليا فيها النوم بشكل مش طبيعى
بركة بقى تقولوا ايه
هذه الفترة تنتهى -فى بعض الاحيان- بالذهاب للامتحان
وهنا مربط الفرس
لانك لما هتروح الامتحان .. ادامك حل من اتنين
يا هتفتكر الاجابة يا اما مش هتفتكر الاجابة
فى حالة افتكرت الاجابة هتمسك قلمك ... وتنطلق .. محدثا به ضجة علمية رهيبة سيقف امامها علماء القرن الحادى والعشرين محتارين مذهولين
فى حالة مافتكرتش الاجابة .. ادامك حل ماتنين
يا هتقعد تعيط (هيغمى عليكى لو بنت) ....يا هتنام
فى حالة ان دموعك اسعفتك وعيطت (دماغك اسعفتك ودختى) يبقى ادامك حل من اتنين
يا اما هتصعب على المراقب فيسيبك تتكلم مع اللى جمبك ... وساعتها هيبقى شكلك مش حلو خااااالص
يا اما مش هتصعب عليه وهيناديلك رئيس اللجنة يشوفله صرفة معاك
فى حالة بقى ان دموعك ماسعفتكش وقررت انك تنام ... فادامك حل من اتنين
يا ينزل عليك الالهام وتشوف الاجابة فى الحلم ... وده فى حالة ان الست الوالدة لحقتك بدعوتين وانت ع الباب
يا مش هينزل عليك الالهام وهتشوف حلم تانى تدور احداثه فى شهر 7 .. وورق ابيض فى ابيض متعلق على حيطة بيضااااا
وفى نصه دايرة سودة غريبة مكتوب فى نصها .... ض
******
مازلت سيادتك لسا نايم ... نايم ...نايم
وهنا هتحصل حاجة من اتنين
يا هتقوم فجأة بعد ما شفت الاجابة فى الحلم وتجرى تكتبها فى اخر 10 دقايق مستخدما خط اشبه ما يكون
"بلوحة فنية تشكيلية لحركة المرور المصرية"
يا اما هتقوم مفزووووع على صوت غريب طالع من حنجرة محشور فيها ضفدع
وبيقولك : الوقت انتهااااااااااا
وفى جميع الحالات ... هتسلم كراستك النضيفة اللى زى الفل وانت تردد
انا لله وانا اليه راجعووون
وربنا يوفقنا جميعا
..
30 comments:
هههههههههههههههههههه
جميل جدا
بس الحلين مش واقعيين !
يا تفتكر يا اما متفتكرش ؟
هو أنا كنت عرفت أصلا عشان أنسى ؟
ههههههههههه
فكرتنى باايام الامتحانات الله لايعيدها تانى بس ربنا يكرمك يااااارب وترفع راسنا كدا ومتنامش فاللجنه بص انت اتصرف تعيط بقى تتصرف من زميلك المهم تسود الورقه بأى حاجه
وربنا يبعد عنك احلام شهر سبعه وحرف ض ويعديها على خير ان شاء الله
هههههههههههههههه
ايه ياعم الدماغ الجامدة دى
لالا داانت واصل بص بلاش الاحتمالات دى كلها وروح ذاكر
بالتوفيق
خليك يا خويا عايش في الاحلام
انا اقدر تلك اللحظات العصيبة ما قبل الامتحانات
ربنا معاك ويثبتك
الحمد لله ربنا تاب علينا
كانت ايام حلوة الله لا يعودها
مرحبا صاحبة السعادة
ربنا يعينك بس إيه جو الإحباط ده
أخويا فهد صاحبة المدونة شيماء
خبيب
لأ حضرتك كدة حالة متاخرة جدا
حضرتك كدة تبع اول سطر فى البوست لما قلت "بتنتهى احيانا بالذهاب الى الامتحان"
حضرتك بقى تبع الاحيان الاخرى
_____________________________
سمر الشافعى
والله منورة يا سمورة وربنا يكرمنا بالاجابة واحنا لسا فى شهر 6
ملحوظة صغنوووونة
انا بنت واسمى شيماء
_______________________________
رئيسة حزب الاحلام
ياقهلا يا قهلا
ادعيلى انتى بس اذاكر وربنا هيفرجها من عنده ان شاء الله
نفس الملحوظة الصغنوووونة
انا مش "ياعم" انا يا عمة
________________________________
fahd
يعنى رغم تشريفك الكبير لشقاوة شعب
الانك ستضاف الى قايمة اللى وجهت ليهم الملاحظات
واقول لحضرتك انى بنننننننتتتتت
وربنا مايعيدها عليك ايام ان شاء الله
________________________________
عصفور المدينة
مش معقووووول استاذنا الكبير
بقالنا كتير ماشفناش حضرتك
شفت كلهم بيكلمونى على انى ولد ازاى ... والله ماينفع يا استاذنا ... حضرتك كبير المدونين ومدونتك كبيرة القاعدة فى عالم المدونات ولازم وقفة
ولا انا غلطانة ؟؟
اه نسيت اقول لحضرتك انه مش احباط ... ده قلق ..عشان انا اليومين دول مش عارفة اذاااكر .. وربنا يستر
____________________________
شكرن
وربنا يوفقنا جميعا إن شاء الله
فراشة الجاج أبو سيد تحييكم وشكر الله سعيكم جميعا ومنجيلكمشفي حاجة وحشة
والسلام عليكم ورحمة الله وبركاته
تصدقي والله حصلتلي ف الكلية ونمت فعلا
وصعبت على المراقبه بس مش عرفت تعملي حاجه وشيلت المادة دي
مع انها كانت رياضة يعني لعب عيال بس انا كنت متخانق مع الدكتور وقلت انا مش هانجح كده كده
دمك خفيف جدا والبوست حلو اوي
ربنا مش يكتبها على حد ابدا
هههههههه
ازيك عامله ايه
واحشاني جدآ جدآ
فعلآ ده الي بيحصل ان عادة بنام في الامتحان و احلي ايام النوم يحلو فيها الي قبل الامتحانات
تحياتي
الأخت العزيزة / شيماء
سعيد بكتابتك حتى و انتى مشغولة بالمذاكرة و الإمتحانات و لكن هكذا صاحب الدعوة مفيش حاجة تشغله عن حاجة و عجبنى جدا حلولك و إبداعك و خفة ظلك و حسن إختيار الألفاظ و حسن إختيار الموضوع و إنسيابية الأفكار
حقيقة أنا بأسعد لما أدخل مدونتك
أحمد حسن
أبو اسامة
ههههههههههه
هى فعلا اجواء الامتحنات لها ارتباط بشكل ما بأجواء العزاء
يالا ربنا يستر
________________________________
ولو
السؤال : هل لما تتخانق مع الدكتور يبقى ده معانه انك حتما ولابد ساقط ؟؟
دى تبقى كارثة ..كوسة .. ومافيش حيادية فى التصحيح
وحتى لو ... برضه ازاى يجيلك قلب تنام فى اللجنة ؟؟
كل ما اتخيل المنظر بصراحة بضحك
________________________________
emy
انتى كمان وحشانى جدا
عادة ؟؟
ده الموضوع على كدة بيتكرر عندك
هو انا بصراحة بنام كتير قبل الامتحان ...بس فى اللجنة ماعنديش وقت انام ...يادوبك اكتب الكلمتين اللى عندى واقوم اروح
مش عارفة ليه دايما بكون اول واحدة تطلع من اللجنة
________________________________
Ahmed Hassan
يا خبر.... مش معقوووووول
استاذ احمد حسن ؟؟
فينك من زماااان يا استاذنا؟؟
والله مفتقدين حضرتك جدا ومفتقدين الشغل والدنيا اللى هناك دى
وجزاك الله خيرا على الكلمتين الحلوين دول
مفيش تلات حلول
كلها اتنين بس
:)
الله لا يعيد ايام الامتحانات دى تانى
3 ساعات
او 4 كمان ..
الحمد لله .ولا مرة سجلت عندى حالت بكاء فى اللجنة ..
الحمد لله .. الجدع جدع من يومه . واحنا برده تهزنا ورقة يا شقاوة
:)
الحمد لله
احنا جامدين .جادمين يعنى
ربنا يحفظك ويوفقك دايما يارب
بالتوفيق انشاءالله... وامتحان يفوت ولا حد يموت
:D
ههههههههههههههه
الله يجازيكي خير
.......................
والله انا كان عندي امتحان جغرافيا افريقيا ومده الامتحان 3 ساعات
قعدت اول ساعه منهم اضحك ضحك هستيري
مش لوحدي لا اللجنه كلها
الامتحان جاء 45 سؤال
ههههههههههههههههههههههههههههههههه
يلا ربنا يكرم
كان فعلا الواحد لازم ينام ساعتها
احسن من الضحك اللي ضحك علينا خلق الله
تحياتي
والله اللى انتى قولتيه ده بشرى جميلة
ربنا يخليكى للطلبة يارب
بس على فكرة المراقبين دلوقتى هم اللى بيغششوا يعنى مش هنحتاج نعيط متخافيش
اول زيارة ليه ومش هتكون الاخيرة باذن الله
تحياتى
هههههههههههههههههه
شقاوه بجد انا كده قدامى حل واحد مش حلين انى اقولك ربنا يوفقك وتنجحى بتفوق
تحياتى
السلام عليكم
بصراحة دماغك عالية
بس انا في الامتحانات
يا بحل يا أما مبحلش
ليه معرفش
بدأنا النهاردة بفضل الله اول خطوة فى برنامجنا " بنحاول نتغير " أتمنى المشاركة
دماغ عاااااااالية جدا
يا رب تكون وفقت في امتحاناتك
واتحفنا كده عالطول يا ريس
بالنجاح والتوفيق
:)
السلام عليكم ورحمة الله وبركاته
شارك معنا في إعادة نبض الحياة للشارع السكندري ... شارك معنا في تكوين فريق للعمل في هذا المشروع ... شارك معنا في رفع العبء عن الأسر محدودة الدخل ... نحن في انتظارك لتضع لوجو المشروع وتشارك معنا
اتحاد الأطباء العرب - لجنة الإغاثة والطوارئ - فرع الإسكندرية
ألف مبروك على الـ..............ـ
مش حكمل حسيبك أنتي تقولي بنفسك و تفرحيهم و تفرحينا
أخوكي أحمد
بنت ابيها
مافيش غير حل من اتنين
_______________________________
tamooh
ده ايه الجمودية دى كلها ... ربنا يوفقك
_____________________________
M@RV3L
ياللا الحمد لله عدوا على خير
_______________________________
عصفور اسكندرية
بجد تعليقك موتتنى من الضحك
45 سؤاااااال ...ليييه يعنى
_____________________________
semsema
اللى انتى قلتيه ده فعلا شفته السنادى فى الامتحنات
المراقبين كانوا بيصهينوا على غش بعض الطلبة عشان ليهم مراكز معينة
خيبة والله
نورتى المدونة يا سمسمة
_____________________________
بحبك يا مصر
امين ياااااارب
_________________________________
عبد الرحمن محمود
هو فى حل ثالث غير انك تحل او ماتحلش ؟؟؟
_______________________________
همسات شاب
يا مسهل الحال يااارب
على فكرة انا "ياريسة " مش يا ريس
______________________________
micheal
متشكرة قوى يا مايكل
احمد
الله يبارك فيك
بس كنت اتمنى تقول احمد مين
على اى حال انا متشكرة جدا جدا على تهنئتك ..بس معلش اعذرنى مش هعرض الموضوع على المدونة لانى لست من انصار الحديث فى مثل هذه الامور على الانترنت ...خاصة فى المناطق العامة قوى والمشاعة زى المدونات
ومازلت فى انتظار تعريفك بنفسك
اشكرك على المرور
قولنالكوا ذاكروا وما ذاكرتووووووووووش
قولنالكوا احضروا المحاضرات وما حضرتووووووووش
اديهم ض جدا يابني
هههههه
الله ينجحك
ويوفقك
شيموووووو حمد لله على سلامتك يا حبيبى عاوزة اشوفك تانى بقى
حبا فى رسول الله
نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن باذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية
هل نثبت حبنا لرسول الله فعلا لا قولا ؟؟
فالحب أفعال لا أقوال
هلموا معا نجتمع ونتفاعل ونصلح من شأننا كله
حباُ فى رسول الله
http://www.7obnferasolallah.blogspot.com
http://www.facebook.com/group.php?gid=18625528460
http://la3lahakhier-2.blogspot.com
هههههههههههههههههههههههههههههههههههههههههههههههههههههههههههههههه
و الله بجد هو دا السيناريو دا انا شفت العجب السنة دى فى الامتحانات و الله
منهم لله اللى بيأذوا الناس
Post a Comment