Thursday, June 26, 2008

بفضل الله

"قل بفضل الله وبرحمته فبذلك فليفرحوا هو خير مما يجمعون"

لا يسعنى فى هذه اللحظات الا ان استجيب للأمر فى الاية و اقول "بفضل الله "..... بجد كل اللى بيحصلنا بفضل الله

كل الاحداث الحلوة اللى بتمر بينا بفضل الله

الحقيقة اليومين دول بفضل الله تمر عليا عدة احداث حلوة كتير لكنى هشارككم حدث مرور سنة على مدونتى الجميلة الرقيقة الشقية

شقاوة شعب

يعنى شقاوة شعب كبرت وبقى عندها سنة .. وطلعلها سنتين تحت ونص سنة فوق

سنة اتعرفت فيها على ناس كتييييير مدونين وناشطين على الانترنت ... اثروا كتير على افكارى وثقافتى ومتابعتى للاحداث

كان اغلبهم ناس تستحق انها تتعرف وكان شرف كبير ليا فعلا انى اتعرفت عليهم على اختلاف توجهاتهم وافكارهم

وقلة قليلة كانت هى الزبد .. ورب العزة تبارك وتعالى يقول

"وأما الزبد فيذهب جفاءَ وأما ما ينفع الناس فيمكث فى الارض"

خلال سنة من التدوين ...لاحظت بعض الملاحظات

1- انتشار التدوين بصورة مذهلة فى مصر بين الشباب ودى حاجة مبشرة جدا وجيدة وظاهرة تستحق المتابعة

2- زاد التواصل بشكل سريع بين المدونين وده أدى لكثير من التنظيمات والمؤتمرات والتجمعات اللى تبنت قضية معينة واشتغلت عليها وده برضه شئ رائع لانه بيعزز دور المجتمع المدنى

3-مع الاسف اغلب المدونين المصريين يدوروا فى نفس فلك التدوين وقليل لما تلاقى فكرة جديدة للمدونة او اسلوب مختلف للعرض

4- لما بيحصل حدث كبير فى مصر ... تقريبا كل المدونات بتكتب عنه فى نفس التوقيت

5- لسا محتاجين كمدونين وكشباب مصريين نتعلم اكتر اسلوب الحوار ونفهم بعض ونحترم بعض على اختلاف افكارنا وتوجهاتنا

ده رب العزة تبارك وتعالى قال " ولا يزالون مختلفين الا من رحم ربك ولذلك خلقهم " فالاختلاف سنة الله فى الارض

كفاية كدة انهاردة ملاحظات .. واحب انكم تشاركونى مشاهدة الفيديو ده لشروق الشمس
احتفالا بمرور سنة على مدونتى ... ولان الشروق فى حد ذاته معنى تحقق بفضل اللى فى حياتى هذه الايام


39 comments:

فاتيما said...

كل سنة و مدونتك بألف خير
عقبال يا ستى ما تدخل الحضانة و الجامعة و تفرحى بيبويلها الذهبى
إن شاء الله
تحياتى يا ست شقاوة

kochia said...

كل سنة وانتي طيبة
وحلوة ملاحظاتك علي المدونات
بس اكيد فيه ملاحظات اخري

تحياتي

mohammed alsha3r said...

كل سنه وانتى طيبه
ولله قريبه

كل سنه ومدونتك ايضا طيبه
وايضا لله قريبه

وعلى فكرة انا صورت بقى يوم ما كنت فى الاسكندريه منظر الغروب

وان شاء الله عيد ميلادى وعيدميلاد مدونتى فى 12 /7 /2008

وبفكرتك دى ان شاء الله انزل منظر غروب الشمس لبحر الاسكندريه


دمتم بخير

mohammed alsha3r said...

كل سنه وانتى طيبه
ولله قريبه

كل سنه ومدونتك ايضا طيبه
وايضا لله قريبه

وعلى فكرة انا صورت بقى يوم ما كنت فى الاسكندريه منظر الغروب

وان شاء الله عيد ميلادى وعيدميلاد مدونتى فى 12 /7 /2008

وبفكرتك دى ان شاء الله انزل منظر غروب الشمس لبحر الاسكندريه


دمتم بخير

هوندا said...

مبرروك

ربننا يوفقك وتبققا مدونتك ديما حاجة حلوة فى حياتك

عصفور المدينة said...

كل عام وأنت بخير أستاذة شيماء

أميرة محمد محمد محمد said...

مبروووووووووووووووووك يا شيمو
عقبال مليون سنه
ربنا يكرمك يا جميل
د

محمد فوزي said...

كل سنه وانتي ومدونتك بكل خير

micheal said...

كل سنة والمدونة وصاحبتها طيبييين
:)
تحياتي

dina said...

الفففففففففف مبروك على مرور سنة عالمدونة و يا رب عقبال مليون سنة و بجد كل الملاحظات فى الجون و الله
تحياتى

أنا بحب الإخوان said...

سلام عليكم ورحمه الله وبركاته
هذه حملتك أتينا بها إليك
إلى متى الصمت
إلى متى نترك أمورنا يحمل همها غيرنا
فنحن لها إن شاء الله
مهما قالوا ومهما زيفوا الحقائق فتلك عقولنا باقية
ادعوكم للتفاعل مع الحملة بالتوقيع وبتحمل مسؤليتكم كاملة في إنجاحها فهي حملتنا جميعا
أنشروا لوجو الحملة ورابط المدونة والجروب لديكم
حثوا كل من تعرفوا على المشاركة والتفاعل
هدفنا ان نصل مليون فرد وسوف نصل أن شاء الله
بيك وبينا وكل امتنا هنعلنها ونقول
أنا بحب الإخوان
http://iloveikhwan1928.blogspot.com/
أرسلوا تلك الرسالة لكل من لديكم

ـــــــــــــــــــــــــــــــــــــــــــــــــــــــــــــــــــــــــــــ

السلام عليكم ورحمة الله وبركاته
نريدك معنا في أداره الحملة
ليس للمشاركة وإنما لأمور أخرى اكبر
أن وافقتم أرجوا إضافة إيميل الحملة على الماسنجر للضرورة جدا

ابوزياد الفاتح said...

عندك حق فى كل اللى قلتيه
وبعدين نحن كمدونين المفروض فى كصير مننا ينتمى لروابط وجمعيات تضم المدونين
المفروض بقى تلك الروابط والجمعيات تحاول تعلم المدونين اكثر
ولازم يكون فى مرونه فى التدوين بحيث نواكب كل الاحداث
مش بس فى مصر وبره مصر
والناس عارفه اللى بيحصل
مش مستنيه حد يقول لها على اللى بيحصل يعنى
فلازم نطرح افكار جديده
احنا اغلبنا بيعرض المشكله
وده مش جديد
لكن المطلوب انه احنا كمدونين نطرح حلول عمليه وافكار جديده لكل ما يقابلنا
وربنا يصلح الحال
وكل عام ومدونتك بخير
ابوزياد الفاتح
كيلو الحريه بكام؟
www.islamnaaa.blogspot.com

mohammed salah said...

السلام عليكم

أولا : كل عام ومدونة حضرتك بخير

ثانيا: بالفعل عندك حقا فالمدونات عندنا تتشابه بشكل كبير في أفكارها وفي بعض الأحيان في موضوعاتها،، لكن هذا لا يعني أن هناك مدونات قد تركت بصمتها،،
وقد يكون هذا التشابه هو نتيجة للمناخ العام الذي نحياه ، فتقريبا كلنا نحيا نفس المناخ الإقتصادي والسياسي ،وحتى العاطفي ،،، ومن المعروف أن اختلاف المناخ يؤدي بدوره لاختلاف الشخصيات....

جزاكم الله خيرا وآسف على الإطالة

عاليا حليم said...

عقبال مائة سنة و شقاوة شعب منورة سما التدوين
بس الفيديو مش عايز يفتح معايا

شرقاوي أون لاين said...

يتشرف موقع شرقاوى اون لاين بدعوة حضرتك لحضور ندوة بعنوان

آداب الخطوبة وفنون الاختيار

مع الدكتورة إيمان عزب الاستاذ بكلية الصيدلة

وذلك يوم الاثنين القادم في تمام الساعه 8.30 مساءا

http://sharkawyonline.net/vb/showthread.php?t=14166

محمد عبدالجليل said...

كل سنة ومدونه حضرتك بخيييييييير

alexandrany said...

kol sana we enty tayba
wwe 3o2bal el modawena eltanya isa

محمد عبد القوى said...

كل سنة والمدونة بخير
عارفة يا أستاذة شيماء
انا بدأت تدوين بعدك بحاولى شهر
يعنى عيد ميلاد مدونتى بعد شهر تقريبا
لكن اول مادخلت عالم التدونين فى اسماء لفتت انتباهى من كتر ما بتردد وما بيقابلنى لينك مدونتها
وكان اسمك واحد من الأسماء دي بعد باشمهندس هيثم ودكتورة مروة
كان الكل معجب بمدوناتكم وبيدخلها ويعلق فيها
قلت نفسي وماله..دول خبرة فى عالم التدوين لكن انا لسه جديد ، لكن انت بخبر عيد الميلاد ده كشفتى لى ان فعلا مدونتك متميزة - ودا شيء عمرى ماشكيت فيه - وتستاهل منا كل تقدير واحترام
كل سنة وحضرتك ومدونتك طيبين

الافغاني said...

الف مبروك


وعقبال الف سنة كتير شوية



مدونتك رائعة وجريئة جدا


ربنا يتقبل منك كل تدوينة

امين


مع اني كنت ساعات بختلف معاكي ف بعض الموضوعات بس مكنتش باعلق لاني لم لكن احد اعضاء عالم التدوين لكن الان انا ليا مدونة ف انتظري سيلا هادرا من الانتقادات


ربنا يوفقك

أختكم فى الله said...

بنحاول نتغير 5

ياريت تشرفونا و تقروا الفكرة و تقولولنا رأيكم

Abd El-fatta7 said...

كل سنه ومدونة حضرتك بخير ..وعقبال لما نص السنه اللي طلعلها يكبر ويبقي سنه .. وعلي فكرة اتفق معاكي في ملاحظاتك علي التدوين .بس ده مايمنعش اننا لازم ندون وعادي نغلط طالما بنتعلم من غلطنا

وظائف أون لاين said...

عزيزى المدون .. عزيزتى المدونة


جائتنى فكرة عمل هذه المدونة عندما وجدت أن اغلب المدونين من الشباب واغلب المدونين اما طلبة بالجامعات أو منتظرين للوظيفة بعد التخرج وحتى المدون الذى وجد وظيفة فأنه يحصل على راتب بسيط


ولأننا كمدونين نجلس على النت بالساعات


فاننى فكرت وبحثت عن وسيلة أستطيع من خلالها زيادة دخلى وتوفير المال عن طريق النت وقلت لماذا لا نستفيد نحن معاشر المدونين من النت مادياً ومالياً


ومن هنا جائت فكرة هذه المدونة


فقمت بجمع بعض البرامج وبعض المواقع التى نستطيع من خلالها أن نتحصل على المال عن طريق العمل على النت ( بزنس أون لاين ) وعلى فكرة الموضوع بسيط ومجرب قبل ذلك وسهل ولكن يحتاج للصبر والأنتشار


والتفاصيل والشرح بالصور وكل المعلومات عن المشروع موجوده بالمدونة


يا رب الفكرة تعجبكم


ويا رب تشتغلوا وبلاش كسل وبلاش نقول مفيش شغل


الشغل موجود بس أون لاين

appy said...

شيمو انتى فين كل سنه وانتى طيبه يا قمر

عاليا حليم said...

كل سنة و أنتي طيبة بمناسبة شهر رمضان المعظم

خديجة محسن "لؤلؤة الاسلام" said...

كل سنة انتى طيبة يا مدونة
و عقبال لما يكون عندك سنتين
و تكونى بتمشى خلاص
ههههههه
مدونة متميزة م شاء الله

رمضان كريم

و كل عام انتم بخير

,.-~*'¨¯¨'*•~mr ,.-~*'¨¯¨'*•~monshed said...

كل سنه وانتى طيبة بس انا شايف بمرور سنه علي المدونة حضرتك تتطلعي عليها زكاة ولا ايه؟؟؟؟؟؟؟

أختكم فى الله said...

كل سنة وانتى ومدونتك الجميلة طيبين

وكل رمضان وانتى بخير

جزاكى الله خيرا

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

محمد عبدالجليل said...

مركز ضحايا لحقوق الانسان بالاسكندرية يهيب بكل الناشطين والاعلاميين والصحفيين ولجان حقوق الانسان للمشاركة فى المؤتمر الصحفى الحاشد من وراء اغلاق مدرسة الجزيرة بالاسكندرية جريمة تشريد الف تلميذ بالاسكندرية باغلاق مدرستهم فى اول ايام الدراسة وذلك يوم الجمعة الموافق 19/9/2008 فى تمام الساعة التاسعة مساءا بنادى المحامين - كورنيش جليم - الاسكندرية

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

عاليا حليم said...

عيد سعيد

أحمد سعيد بسيوني said...

بسم الله

كل سنة والمدونة في تقدم على مستوى المواضيع والافكار التي تطرحها

كل سنة وانت طيبة

تحياتي

حاجات عيال said...

برافوا يا شيماء
أنا أتمنى إن كلامك يتحقق ولو جزء من ه في الواقع
مدونتك بقيت مفضلة عندي

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

هاني جابر said...

دعوة لصيام يومي الأثنين 24/11 - 1/12 والدعاء لإخواننا في غزة والتبرع بثمن وجبة الافطار لأهالينا في غزة
والي عايز يشارك يسجل معانا في حملتنا بوضع البانر في مدونته والمشاركة في الجروب ويدعو الناس كلها للمشاركة معانا
هدفنا 1.000.000 مسلم يدعو ويتبرع لاخواننا الرقم سهل ونقدر نحققه بس عايز تعاون وجدية
والي ميقدرش يصوم يوم يصوم التاني بس لازم نصوم من اجل اخواننا في غزة

البانر علي المدونة


www.bahebalhorea.blogspot.com


http://www.facebook.com/group.php?gid=37720052122

شاب مصري مفروس said...

كل سنة ومدونتك طيبة
وانتى كمان

أنا المقاوم said...

الأخ الكريم/

تدعوكم مدونة أنا المقاوم وفي أول أيامها على شاشات الحاسوب لمؤتمرها الأول والذي بعناون:


غزة....إلى أين ونحن ....إلى متى!!؟؟
والذي سنناقش فيه الآتي :
لماذاغزة!!؟؟
غزة إلى أين.
ونحن إلى متى.
وما واجبنا نحو غزة و الغزيين كمصريين و كعرب وكمسلمين.

بزايرتك أخي
تدعم صمود غزة
فلا تبخل على أخوك المسلم بهذه الزيارة.

موعدنا:
اليوم الجمعه في تمام الساعة العاشرة مساءاًبتوقيت القاهرة.
تنويه:
للإشتارك من فضلك سارع بإضافة هذا البريد على قائمتك حيث أن المؤتمر سيتم من خلاله
el.moqawem@yahoo.com


لكم جزيل الشكر و التقدير


حسن البنا
أنا المقاوم
http://elmoqawem.blogspot.com

will said...
This comment has been removed by a blog administrator.
موقع جوجو الشامل said...

انا سوف اكون م ن متابعى مدنت
جميله للغايه